"Үй жануарлары –жанды табиғат" қазақ тілінен сабақ 3 сынып

Пән: Қазақ тілі

Ұзақ мерзімді жоспар бөлімі: Жанды табиғат

Күні:

Сынып: 3

Мектеп:

Мұғалімнің аты-жөні: Қатысқандар саны:

Қатыспағандар саны:

Сабақ тақырыбы

Үй жануарлары –жанды табиғат

Осы сабақта қол жеткізілетін оқу мақсаттары

3.​3.​2.​1 жиі қолданылатын сөздер мен фразалардан құрастырылған шағын мәтіндегі негізгі ойды түсіну

3.​4.​5.​1 жаңа сөздерді орфографиялық сөздіктерге сүйеніп дұрыс жазу

Сабақ мақсаттары

Оқушылардың барлығы: оқыған мәтіннің мазмұнын түсінеді

Оқушылардың көпшілігі: мәтін мазмұны бойынша сұрақтарға жауап береді, жаңа сөздерді сөздікке сүйеніп, сауатты жазады

Оқушылардың кейбірі: оқыған мәтіндегі ақпаратты өмірмен байланыстырып, мысалдар келтіреді

Бағалау критерийлері

Оқыған мәтіннің мазмұнын түсінеді.

Жаңа сөздерді сауатты жазады.

Лексикалық минимум

қой, сиыр, жылқы,түйе

Грамматикалық минимум

Септік жалғау, тәуелдік жалғау.

Атам ауылда тұрады. Атамның малы көп.

Құндылықтарды дарыту

Төрт түлік мал туралы біле отырып, олардың адамға берер пайдасын түсінеді. Үй жануарларына қамқорлық жасауға тәрбиеленеді. 

Пәнаралық байланыстар

дүниетану

АКТ қолдану дағдылары

Таныстырылым

Бастапқы білім

Жанды және жансыз табиғат

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

« Жақсы ма?»

- Досың болған жақсы ма?

- Жақсы! Жақсы! Жақсы!

- Сабаққа дайындығымыз жақсы ма?

- Жақсы! Жақсы! Жақсы!

-Көңіл-күйіміз жақсы ма?

-Жақсы! Жақсы! Жақсы!

 Өткен тақырыпты еске түсіру.

«ИӘ» және «ЖОҚ» ойыны (Ортаға екі орындық қарама-қарсы қойылады. Бір орындыққа «ИӘ» , екнші орындыққа «ЖОҚ» сөздері жазылған қағаздарқ ойылады.  Оқушылар екі топқа бөлініп, екі қатарға тұрады. Ортаға кезекпен бір-бір оқушыдан шығады. Мұғалім өтілген тақырып бойынша бұрыс немесе дұрыс сөйлемді оқиды. Айтылған ақпарат дұрыс болса, соған сәйкес орындыққа отырып үлгеруі керек).

1. Өсімдіктер жанды табиғатқа жатады.
2. Құстар  су ішпейді.
3. Жанды табиғат өзгереді.
4. Тау жанды табиғатқа жатады.
5. Табиғат жанды және жансыз болады.
6. Жансыз табиғат өседі.
7. Жанды табиғат тыныс алады.
8. Жансыз табиғат өзгермейді.
9. Адам-табиғаттың бір бөлшегі.
10. Адам табиғатсыз өмір сүре алады.
11. Су, ауа адамға өте қажет.

Сабақ мақсатымен таныстыру

Оқыған мәтіннің мазмұнын түсінемін.

Сөздерді қатесіз  жазамын.

Сабақтың ортасы

(МК, Ұ) Жаңа сөздерді суреттер арқылы меңгерту

қой, сиыр, жылқы,түйе, қора

Сөз тіркестерін және сөйлемдер құру

Қой сатып алу. Атам қой сатып алды.

Жылқыға су беру. Мен жылқыға су бердім.

Сиырға шөп салу. Біз сиырға шөп салдық.

(Ж) Тыңдалым

Менің атам бар. Ол ауылда тұрады. Атамның малы бар. Қорада сиыр, жылқы, қой бар. Олар – үй жануарлары.

Мәтінді екі рет тыңдайды. Көп нүктенің орнына тиісті сөзді қойып жазады.

Үлгі: Менің атам ... тұрады. Атамның ... бар. Қорада ..., ..., ... бар. Олар - ...  .

Жұптар орындап болған соң, өз жұмыстарын дұрыс нұсқамен тексереді. Дұрыс нұсқа тақтада көрсетіледі.  Жұптар өз-өздерін бағалайды.

(Ө) Жазылым. Сауатты жазуда қиындық тудыруы мүмкін бірнеше сөзді тақтаға жазып қою.

Ауыл, түйе, құлын, сиыр

Оқушылар осы сөздермен сөйлемдер құрап жазады. Қалауы бойынша бірнеше оқушы  тақтаға жазған сөйлемдерін жазады.

Бұдан кейін оқулықта берілген суретті сөзге айналдырып оқиды.

1. Әлібектің атасы          тұрады.
2. Атасының         бар.
3. Қорада        бар.

(Ө) Оқылым. «Белгі қойып оқу» әдісі.

Әр оқушы мәтінді оқып, мазмұнымен танысады. Оқып отырып, таныс емес сөздерге немесе түсінбеген тұстарына  белгі қойып отырады. Содан кейін қабылдау деңгейі жоғары оқушылар бұл сөздерге  түсінік береді. 

Оқылым мәтіні

Жазда атамның ауылына бардым. Атамның қорасында жылқы, түйе, сиыр, қой, ешкі бар. Оларды «үй жануарлары»  немесе «мал» деп атайды. Мен атама көмектестім. Малға  шөп салдым. Қораны тазаладым.

Мәтін соңындағы сұрақтар жеке қағаздарға жазылып, қобдишаға салынады. Бірнеше оқушы қағаздағы сұрақты таңдап, сол сұраққа ауызша жауап береді.

Сұрақтар:

1. Әлібек жазда қайда барды?
2. Атасының қорасында не бар?
3. Үй жануарларын тағы қалай атайды?
4. Әлібек атасына қалай көмектесті?
5. Үй жануарлары қандай табиғатқа жатады?

«Шапалақ» әдісі арқылы жауаптарын бағалайды.

 «Орташа» жауапқа 1 рет шапалақ ұру.

 «Жақсы» жауапқа 2 рет шапалақ ұру

«Тамаша» «Өте жақсы» жауапқа 3 рет шапалақ ұру

(Ө) Оқылымнан кейінгі тапсырма

 Оқушылар қасында отырған көршісімен жұмыстарымен ауысады. Мұғалімнің оқыған дұрыс нұсқамен көршісінің жауабын тексереді және бағалайды.

Сергіту сәті. «Мен таптым»

Қатысушылар дөңгелене отырып, кезекпен бірден жетіге дейін санайды. Жеті санын айтатын адам «Жеті» деудің орнына, орнынан тұрып, «Мен таптым» деп айтуы керек. Кім жаңылысса, сол ойыннан шығады.

(Т) Оқылым. Оқушылар топта тапсырманы бірлесіп орындайды. Суретке қарап, көп нүктенің орнына керекті сөзді қойып оқиды және сол жануар туралы бір ақпарат айтады.

Үлгі: Бұл – жылқы. Жылқының еті дәмді/Жылқы алысқа шабады/Жылқының сүтін қымыз деп атайды.

Керекті сөздер: үй жануарлары,өседі, сиыр, қой, жанды, жылқы, ешкі, түйе

(Ұ) Айтылым. «СҰРАҚТАР»  стратегиясы.

Сұрақ қоюдан қорықпайтын оқушы ортаға шығады. Оқушының маңдайына стикерге жазылған сөз жабыстырылады. Оның маңдайына сөз  (сиыр, қой, жылқы, түйе) жазылған стикер жабыстырады. Стикерде не жазылғанын табу үшін топтарға барып бар жоғы бір-ақ сұрақ қояды. Келесі топқа барғанда да бір сұрақ қояды. Топ мүшелері оның қойған сұрағының ретіне қарай жауап беруге тырысады. Осылай жалғаса береді. ТАПҚАНША! Таба алмаса, келесі оқушы жалғастырады.

Мұғалім оқушының сұрақ қою дағдысын комментарий айту арқылы бағалайды.

https://www.balakai.kz/zhumbaktar/141-zhanuarlar-turaly-zhmbatar.html

жұмбақтар

Сабақтың соңы

Үй тапсырмасы:

Үй жануарлары туралы жұмбақтар жаттап келу

Кезікті бір жануар,

Үстінде екі тауы бар. (Түйе)

Кішкентай ғана бойы бар,

Айналдырып киген тоны бар. (Қой)

Рефлексия

                 Сұрақтарым көп.  Белсенді бола алмадым.

              Сұрақтарым жоқ.  Белсенді болдым.

               Маған бәрі түсінікті болды. Өте белсенді болдым.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушының материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

 

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушының жеке қабілеттерін есепке ала отырып іріктеу (Гарднердің жиындық зият теориясы) түрінде болуы мүмкін.

Саралау уақытты ұтымды пайдалануды есепке ала отырып, сабақтың кез келген кезеңінде қолданыла алады.

Бұл бөлімде оқушының сабақ барысында үйренгенін бағалау үшін қолданатын әдіс-тәсілдеріңізді жазыңыз.

Денсаулық сақтау технологиялары.

Сергіту сәттері мен белсенді іс-әрекет түрлері.

Осы сабақта қолданылатын қауіпсіздік техникасы ережелерінің тармақтары.

Сабақ бойынша рефлексия

Сабақ мақсаттары /оқу мақсаттары дұрыс қойылған ба? Оқушының барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Бұл бөлімді сабақ туралы өз пікіріңізді білдіру үшін пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушының жетістік/ қиындықтары туралы нені білдім, келесі сабақтарда неге көңіл бөлу қажет?